Kviteseid Kunstforening

§1 FORENINGAS NAMN

Namnet til foreninga skal vere Kviteseid Kunstforening

§ 2 FORENINGENS SETE (kommune)

Kviteseid kommune

§ 3 FØREMÅL

Skape interesse og forståing for bildande kunst og kunsthandverk

§ 4 OPPGÅVER

•            Halde skiftande utstillingar og andre kulturarrangement

•            Forvalte foreininga si kunstsamling

•            Drive informasjon/opplysing i skulen

•            Arrangere kurs, omvisningar, foredrag, kunstreiser m.m.

§ 5 MEDLEMSKAP

Foreninga er open for alle som ynskjer å stø foreninga sitt arbeid.  Medlemskap vert oppnådd ved å betale fastsett kontingent.

§ 6 ÅRSMØTE

Foreninga sitt øvste organ er årsmøtet.

Årsmøtet skal haldast i mars månad. Kvart medlem har ei stemme på årsmøte. Ingen kan stemme for andre. Saker ein ynskjer å ta opp på årsmøtet må vera styret i hende innan  1. februar. Innkalling skjer seinast to veker før årsmøtet.

Saker til handsaming på årsmøtet:

•            Godkjenning av innkalling og sakliste

•            Val av ordstyrar og skrivar

•            Val av to personar til å underskrive protokoll

•            Årsmelding og rekneskap

•            Arbeidsprogram for inneverande år

•            Kontingent

•            Val av styre med vara, valkomiteen – med vare, og ettersynsmann

•            Innkomne saker

§ 7 STYRET

Styret skal ha 5 medlem og 3 varamedlem.

Funksjonstida for styremedlem er 2 år, for varamedlem 1 år. På fyrste ordinære årsmøte vert likevel 2 av medlemma valt bare for 1 år. Leiaren vert valt på årsmøtet. Styret konstituerer  seg elles sjølv. Styret kan ta avgjerder når minst tre medlem er til stades. Avrøysting i saker vert avgjort ved simpelt fleirtal. Ved likt røystetal gjer leiarens røyst utslaget.

Protokoll vert ført og underteikna i møtet.

Ekstraordinært årsmøte skal haldast når det kjem krav frå minst 1/3 av medlemma. Det ekstraordinære årsmøte kan bare behandle saker som står i innkallinga.

§ 8 OPPGÅVER FOR STYRET

•            Førebu årsmøtet

•            Legge fram årsmelding og revidert rekneskap

•            Legge fram arbeidsprogram for inneverande år.

•            Gjennomføre arbeidsprogrammet

•            Gjennomføre andre årsmøtevedtak

•            Forvalte foreninga sine eigedelar

§ 9 VEDTEKTER

Vedtektene vert vedtatt  av årsmøtet.

Endring av vedtektene krevje ¾ av avgevne stemmer. Ev. vedtektsendring skal bli varsla i innkallinga.

§ 10 OPPLØYSING

Oppløysing av foreninga krev ¾ fleirtal på to påkvarandre fylgjande ordinære årsmøte.